جان سے مارنے کی دھمکیاں دینے کے مقدمے میں پولیس کی جانب سے بے گناہ قرار دیے جانے پر پی ٹی آئی رہنما جمشید اقبال چیمہ نے درخواستِ ضمانت واپس لے لی۔ایڈیشنل سیشن جج نے جمشید اقبال چیمہ کی درخواستِ ضمانت واپس لینے کی بنیاد پر نمٹا دی۔درخواست گزار کے وکیل نے عدالت کو بتایا کہ مصطفیٰ آباد پولیس نے تفتیش میں جمشید اقبال چیمہ کو بے گناہ قرار دے کر مقدمہ خارج کر دیا ہے، اس لیے وہ درخواست واپس لینا چاہتے ہیں۔
بعد میں میڈیا سے گفتگو میں جمشید اقبال چیمہ نے کہا کہ شہباز گِل جمہوری قوتوں کی جنگ لڑ رہے ہیں، جس کے لیے اور لوگوں کو بھی کوشش کرنا ہو گی۔
