وزیرداخلہ پنجاب ہاشم ڈوگر کی سفارش پر ڈی آئی جی جیل راولپنڈی ریجن عبد الرؤف اور سپریٹنڈنٹ سینٹرل اڈیالہ جیل راولپنڈی چوہدری اصغر علی کو عہدے سے ہٹادیا گیا ہے۔
وزیرداخلہ پنجاب ہاشم ڈوگر نے اڈیالہ جیل راولپنڈی کے دورے کے بعد سماجی رابطے کی ویب سائٹ ٹوئٹر پر اظہار خیال کرتے ہوئے کہا کہ اڈیالہ جیل میں میڈیا ٹاک کے بعد مجھے کچھ باتوں کا پتہ چلا ہے، انہوں نے کہا کہ میرے علم میں آیا ہے کہ جیل داخلے کی پہلی رات شہباز گل کو غیرقانونی طور پر چکی میں رکھا گیا، ایسا سلوک کسی بھی قیدی کے ساتھ نہیں ہونا چاہیے۔
وزیرداخلہ کا کہنا تھا کہ ایسا سلوک روا رکھنے پر ڈی آئی جی جیل اور سپرنٹنڈنٹ اڈیالہ جیل کو عہدے سے ہٹانے کی سفارش کردی ہے۔
اڈیالہ جیل کے پریس ٹاک کے بعد میرے علم میں آیا ہے کہ جیل داخلے کی پہلی رات شہباز گل کو غیر قانونی طور پہ چکی میں رکھا گیا جو کہ کسی بھی قیدی کے ساتھ نہیں ہونا چاہیے۔ میں نے ڈی آئ جی اور سپریٹنڈنٹ کے ہٹانے کو مجاز اتھارٹی کو recommendکر دیا ہے @ImranKhanPTI@fawadchaudhry
— Col (R) Muhammad Hashim| Home Minister Punjab. (@ColhashimDogar) August 16, 2022
بعد ازاں راجہ بشارت نے ٹوئٹر پر اپنے بیان میں کہا کہ ڈی آئی جی اور سپرنٹنڈنٹ اڈیالہ جیل کو سیاسی قیدی شہباز گل کے ساتھ ہونے والے غیر قانونی اقدامات کے بارے میں مجرمانہ خاموشی پر ان کے عہدوں سے ہٹادیا گیا ہے۔
DIG and Superintendent Adiala Jail are being removed from their posts on their criminal silence about illegal actions being done with political prisoner @SHABAZGIL.
— Muhammad Basharat Raja (@RajaBasharatLAW) August 16, 2022