Welcome to JEHANPAKISTAN   Click to listen highlighted text! Welcome to JEHANPAKISTAN
انتخاباتتازہ ترینخبریں

ضمنی الیکشن کی بجائے نئے الیکشن پر معاملات طے پا گئے ہیں، شیخ رشید

عوامی مسلم لیگ کے سربراہ شیخ رشید احمد کا کہنا ہے کہ ضمنی الیکشن کی بجائے نئے الیکشن پر معاملات طے پا گئے ہیں، اکتوبر میں الیکشن کی تاریخ، نئے الیکشن کمیشن اور نگران حکومت کا فیصلہ قوم جلد سن لے گی۔

شیخ رشید احمد نے مائیکرو بلاگنگ ویب سائٹ ٹوئٹر پر عام انتخابات سے متعلق بیان جاری کیا ہے۔

شیخ رشید احمد کا اپنے ٹوئٹ میں لکھنا ہے کہ ضمنی الیکشن کی بجائے نئے الیکشن پر معاملات طے پا گئے ہیں، اکتوبر میں الیکشن کی تاریخ، نئے الیکشن کمیشن اور نگران حکومت کا فیصلہ قوم جلد سن لے گی۔

انہوں نے کہا ہے کہ قرنطینہ والے بھی الیکشن مان گئے ہیں، صرف فضل الرحمٰن رہ گئے ہیں، ڈالر 250 کا، بجلی اور LPG میں 10 روپے کا اضافہ مارکیٹیں بند کرا دے گا۔

شیخ رشید احمد نے اپنے ٹوئٹ میں کہا ہے کہ  اتحادیوں کی سیاسی ساکھ راکھ بن گئی ہے، نہ یہ عوام میں جانے کے قابل، نہ فرار ہونے نہ باہر سے بلانے کے قابل ہیں، اب خلق خدا فیصلہ کرے گی۔

شیخ رشید احمد کا کہنا ہے کہ جمہوریت مذاق اور اسمبلی تماشا بن گئی ہے، بحران سری لنکا سے لبنان عراق اور اب پاکستان کی طرف آرہا ہے، ان ہی دنوں میں یورپ میں 4 حکومتیں ختم ہو گئی ہیں۔

جواب دیں

آپ کا ای میل ایڈریس شائع نہیں کیا جائے گا۔

Back to top button
Click to listen highlighted text!