مذہب کے مضمون میں ایم فل کی ڈگری لینا میرے بائیں ہاتھ کا کھیل ہے، حریم شاہ

مشہور پاکستانی ٹک ٹاکر حریم شاہ نے دعوی کیا ہے کہ انکے لیے مذہب کے مضمون میں ایم فل جیسی اعلی تعلیم کی ڈگری حاصل کرنا بائیں ہاتھ کا کھیل ہے۔

حریم شاہ کے ایک تازہ انٹرویو میں انہوں نے اپنی قابلیت کے بارےمیں انکشاف کیا کہ وہ حافظ قرآن ہیں اور کئی اسلامی مراکز سے مختلف کورسز کر چکی ہیں اور دنیا کے دیگر مذاہب کی تعلیم بھی لے چکی ہیں۔

حریم شاہ کے مطابق حفظ قرآن ہونے کی وجہ سے ان کا حافظہ بہت تیز ہے۔حریم شاہ کا کہنا تھا کہ ، میرے لیے مذہب کے موضوع پر ایم فل کرنا کوئی مشکل نہیں، بلکہ یہ تو میرے بائیں ہاتھ کا کھیل ہے۔

مشہور ٹک ٹاکر نے ڈبل ایم اے کرنے کابھی انکشاف کیا۔

جب ان سے سوشل میڈیا پر انکی وائرل ہونے وال ویڈیوز کے بارے میں پوچھا گیا تو انہوں نے کہا کہ لوگ میرے نام سے سستی اور گھٹیا شہرت حاصل کرنا چاہتے ہیں، اگر انکے پاس ایسی کوئی ویڈیو ہوتی تو وہ کب کی منظر عام پر آچکی ہوتی۔ اگر یہی توجہ وہ فلسطین کے مسئلے پر دیتے تو زیادہ بہتر ہوتا۔