ننکانہ میں میں سفاک بیٹے نے لوگوں کے سامنے اپنے سگے باپ اور چچا کو قتل کردیا۔
میڈیا رپوٹس کے مطابق افسوسناک واقعہ ننکانہ صاحب کے علاقے مون خان ٹاؤن میں پیش آیا، باپ ساجد نے دو دن پہلے بیٹے زین سے زبردستی گاڑی واپس لی تھی۔
تفتیشی حکام کا کہنا ہے کہ ساجد قمر ایڈووکیٹ بھائی وقاص کے ساتھ کچہری سے گھر آرہے تھے۔
پولیس کا بتانا ہے کہ ملزم زین نے کار سوار باپ ساجد قمر ایڈووکیٹ اور چچا محمد وقاص کو روک کر فائرنگ کی جس کے نتیجے میں دونوں جاں بحق ہوگئے۔
دہرے قتل کی واردات کے بعد ملزم زین گاڑی ساتھ لے کر فرار ہوگیا۔
ریسکیو اہلکاروں نے کارروائی کے بعد لاشیں پولیس کے حوالے کردیں جبکہ پولیس کا کہنا ہے کہ ملزم کی تلاش میں چھاپے مارے جارہے ہیں۔
واضح رہے کہ اس سے قبل چنیوٹ کے نواحی علاقے تھانہ صدر کی حدود میں زمین کے تنازع پر بیٹے نے فائرنگ کرکے باپ اور چچا کو قتل کردیا تھا۔
جاں بحق افراد کی شناخت صدام اور شہادت کے نام سے ہوئی تھی۔
