لاہور قلندرز نے خاکروب کمیونٹی سے تعلق رکھنے والے لاہور ویسٹ مینجمنٹ کمپنی (ایل ڈبلیو ایم سی) کے ملازم الفریڈ کی خواہش پوری کردی۔
الفریڈ نے کھلاڑیوں کے ساتھ فوٹوز بنوائیں اور اونرز ڈگ آؤٹ میں بیٹھ کر میچ دیکھا۔
انہیں بذریعہ قرعہ اندازی سٹیڈیم میں داخلے کی اجازت ملی، ڈیوڈ ویزے نے قذافی سٹیڈیم لاہور میں قرعہ اندازی کی تھی۔
لاہور قلندرز نے قذافی سٹیڈیم لاہور میں کھیلے جانے والے پی ایس ایل 8 کے میچز میں قرعہ اندازی کا سلسلہ جاری کر رکھا ہے۔
عمران خان انکلوژر میں بیٹھے شائقین کرکٹ وہاں موجود قلندرز باکس میں اپنا نام ڈال کر قرعہ اندازی کا حصہ بن سکتے ہیں۔
میچ کے دوران قرعہ اندازی میں نام نکلنے والے فین کو گراؤنڈ میں لاکر اونرز ڈگ آؤٹ میں بٹھایا جائے گا۔
Meet the Lucky Winner of Qalandars Pavilion.#qalandarhum #qalandarscity #sochnabemanahai #HBLPSL8 pic.twitter.com/mTmgYfDUd2
— Lahore Qalandars (@lahoreqalandars) March 4, 2023
خوش قسمت کرکٹ فین کو کھلاڑیوں کے ساتھ تصاویر بنوانے کی بھی اجازت ہوگی۔
لاہور قلندرز آج قذافی سٹیڈیم لاہور میں کوئٹہ گلیڈی ایٹرز کی میزبانی کرے گی۔
