بھارت میں اسکولوں کے کمرہ جماعت میں مسلمان طالبات پر حجاب کی پابندی پر ملک بھر میں تنقید کی جارہی ہے اور اس پابندی کے خلاف بڑے پیمانے پر احتجاج کیا گیا۔
خبرایجنسی رائٹرز کی رپورٹ کے مطابق بھارتی ریاست کرناٹکا میں پیش آنے والے واقعات نے اقلیتی برادری میں خوف پیدا کردیا ہے، جس کے بارے میں ان کا کہنا ہے کہ وزیراعظم نریندر مودی کی ہندو قوم پرست حکومت کے تحت ظلم میں اضافہ ہوا ہے۔
اس سے قبل گزشتہ ماہ ایک سرکاری ہائی اسکول میں طالبات کو حجاب نہ کرنے کی ہدایت کی گئی تھی لیکن یہ سلسلہ جلد ہی ریاست کے مزید دو اسکولوں تک پھیل گیا۔
