الیکشن کمیشن آف پاکستان نے رکن قومی اسمبلی جمشید دستی کو نااہل قرار دیتے ہوئے ان کی قومی اسمبلی کی رکنیت ختم کر دی ہے۔
الیکشن کمیشن کی جانب سے جاری فیصلے کے مطابق جمشید دستی کے خلاف2 درخواستیں منظور کی گئیں جن میں ان پر جعلی تعلیمی اسناد کے الزامات عائد کیے گئے تھے۔
الیکشن کمیشن نے قرار دیا کہ ان کی تعلیمی ڈگریاں جعلی ثابت ہو چکی ہیں، جس کی بنیاد پر انہیں آئین و قانون کے تحت نااہل قرار دیا گیا۔
فیصلے میں یہ بھی بتایا گیا کہ اسپیکر قومی اسمبلی کی جانب سے جمشید دستی کے خلاف جو ریفرنس الیکشن کمیشن کو بھجوایا گیا تھا، وہ بھی منظور کر لیا گیا ہے۔
الیکشن کمیشن کے اس فیصلے کے بعد جمشید دستی اب پارلیمنٹ کی رکنیت سے محروم ہو چکے ہیں
