
باجوڑ میں ایک بم دھماکے میں اسسٹنٹ کمشنر ناوگئی سمیت پانچ افراد شہید ہو گئے ہیں۔
باجوڑ کے پولیس افسر وقاص رفیق نے بی بی سی کو بتایا کہ باجوڑ کی تحصیل خار کے علاقے میں گاڑی پر بم دھماکے کی نوعیت کا تعین کیا جا رہا ہے۔ ان کا کہنا تھا کہ اس دھماکے میں پانچ افراد جاں بحق اور 11 زخمی ہوئے ہیں۔
اس دھماکے میں شہید ہونے والوں میں اسسٹنٹ کمشنر ناوگئی فیصل اسماعیل، تحصیلدار ناوگئی عبدالوکیل سمیت تین دیگر افراد شامل ہیں۔ ریسکیو حکام کا کہنا ہے کہ ریسکیو ٹیمیں امدادی کارروائی میں مصروف ہیں اور زخمیوں کو ہسپتال منتقل کیا جا رہا ہے۔ حکام کے مطابق باجوڑ کے ہسپتالوں میں ایمرجنسی نافذ کردی گئی ہے۔ ابتدائی طبی امداد کے لیے محکمہ صحت کا عملہ چوکس کردیا گیا ہے۔