FC۔31فائٹر جیٹ کا حصول، پاک فضائیہ بھارت سے آگے ہو جائیگی

ڈاکٹر ملک اللہ یار خان
( ٹوکیو)

پاک فضائیہ کے ریٹائرڈ افسر ایئر کموڈور ضیاء الحق شمسی کے مطابق ایف سی 31کے حصول سے پاکستان کو اگلے 12 سے 14سال تک ہندوستانی فضائیہ پر سٹریٹجک برتری حاصل ہو گی۔ پاکستان کا چین سے فائفتھ جنریشن لڑاکا طیارہ، FC31 Gyrfalconحاصل کرنے کا فیصلہ اپنی فضائیہ کو فضائی صلاحیتوں کے لحاظ سے اپنے روایتی مخالف، بھارت پر نمایاں برتری فراہم کرنے کے لیے تیار ہے۔ انہوں نے کہا کہ ہندوستان سے اس مدت کے اندر پانچویں نسل کی لڑاکا صلاحیتیں حاصل کرنے کی توقع نہیں ہے، جس سے پاکستان کو ایک اہم سٹریٹجک بالادستی حاصل ہوگی۔ اس سال کے شروع میں، پاکستان ایئر فورس ( پی اے ایف) نے چین کی شینیانگ ایئر کرافٹ کارپوریشن کی طرف سے تیار کردہ FC-31 Gyrfalconحاصل کرنے کے اپنے ارادے کا اشارہ دیا۔ پی اے ایف کے چیف آف سٹاف ایئر مارشل ظہیر احمد بابر سدھو نے مبینہ طور پر گزشتہ سال ایک تقریب میں بتایا تھا کہ ایف سی 31جلد ہی فضائیہ کے ساتھ سروس میں داخل ہو جائے گا۔ انہوں نے ریمارکس دیئے کہ FC۔31کے حصول کی سہولت کے لیے بات چیت ہو چکی ہے، جو جلد ہی پاک فضائیہ کا حصہ بن جائے گا۔ حال ہی میں، پاکستانی میڈیا نے رپورٹ کیا کہ پی اے ایف نے پہلے ہی پائلٹوں کا ایک گروپ FC-31کی تربیت کے لیے چین روانہ کر دیا ہے، جس سے پانچویں نسل کے لڑاکا طیاروں کے حصول کی جانب پاکستان کے اقدام کو مزید تقویت ملی ہے۔FC-31، J۔20مائٹی ڈریگن کے بعد چین کا تیار کردہ دوسرا سٹیلتھ لڑاکا، برآمد کے لیے نہیں ہے اور اسے خصوصی طور پر چینی فضائیہ استعمال کرتی ہے۔FC۔31کو اپنے بیڑے میں شامل کرنے سے PAFکی چینی لڑاکا طیاروں کی انوینٹری کو مزید تقویت ملے گی، جس میں پہلے سے J۔10Cاور JF۔17ٔشامل ہیں، جو اسلام آباد اور بیجنگ نے مشترکہ طور پر تیار کئے ہیں ۔FC۔31پر پاکستانی پائلٹوں کی تربیت کی رپورٹیں پانچویں نسل کے لڑاکا طیاروں کی صلاحیتوں کے حصول کی طرف پاکستان کے واضح راستے کی نشاندہی کرتی ہیں، یہ ایک ایسی پیشرفت ہے جس نے پڑوسی ملک بھارت میں تشویش پیدا کر دی ہے، جو اب بھی 4.5نسل کے لڑاکا طیاروں جیسے Sukhoi Su-30MKIاور Rafale پر انحصار کرتا ہے۔ بھارت کو اب نہ صرف چین سے مقابلہ کرنے کے امکانات کا سامنا ہے، جو پہلے ہی J۔20فائفتھ جنریشن فائٹر کو چلاتا ہے، بلکہ پاکستان سے بھی، جو جلد ہی FC۔31کو میدان میں اتارے گا۔ تجزیہ کاروں کا خیال ہے کہ پاکستان کےFC۔31کے حصول کا، جیسا کہ مقامی
میڈیا نے رپورٹ کیا ہے، اس کا مقصد امریکی ساختہ F۔16s اور فرانسیسی ساختہ میراج 5جیٹ طیاروں کے پرانے بیڑے کو تبدیل کرنا ہے۔