سپیشل رپورٹ
عمران خان کو مُلک چھوڑنے کی پیشکش کی گئی، عارف علوی

سابق صدر اور رہنما پاکستان تحریکِ انصاف عارف علوی نے کہا ہے کہ ’عمران خان کو مُلک چھوڑنے کی آفر کی گئی۔ مگر انھوں نے یہ کہ کر ٹھکرا دی کہ مر جاؤں گا مُلک نہیں چھوڑوں گا۔‘
فصیل آباد میں ایک تقریب سے خطاب کرتے ہوئے سابق صدر ڈاکٹر عارف علوی کا کہنا تھا کہ ’بانی پاکستان تحریکِ انصاف کو ایک ڈیل آفر کی گئی انھیں کہا گیا کہ شہر چھوڑ دو، تو اس پر عمران خان نے کہا کہ میں مر جاؤں گا پاکستان نہیں چھوڑوں گا۔‘
فیصل آباد میں تقریب کے دوران اپنے خطاب میں سابق صدر نے اس بات کی وضاحت نہیں کی کہ بانی پی ٹی آئی کو مُلک چھوڑنے کی آفر کس کی جانب سے کب اور کن حالات میں کی گئی۔
اُن کا مزید کہنا تھا کہ ’آج کل جو لوگ عمران خان کو سزا دینے کی نیت کرتے ہیں اور سزا دینے کی کوشش کی ہے اور جھوٹی سزائیں دیں ہیں اُن کا نام بھی خاک میں مل جائے گا۔‘