نیوزی لینڈ کے خلاف ٹی 20 ہوم سیریز کے لیے قومی سلیکشن کمیٹی کا قومی اسکواڈ کو حتمی شکل دینے کے لیے آج لاہور میں اجلاس ہوگا۔
کاکول کیمپ میں شریک 29 میں سے 18 رکنی قومی اسکواڈ تشکیل دیا جائے گا، فاسٹ بولنگ میں روٹیشن پالیسی کے تحت تمام بولرز کو موقع دیے جانے کا امکان ہے۔
ممکنہ کھلاڑیوں میں بابراعظم (کپتان) ، صائم ایوب، محمد رضوان، اور فخرزمان شامل ہوں گے، افتخار احمد، سلمان علی آغا ، شاداب خان، عماد وسیم اور اسامہ میر بھی ٹیم کا حصہ ہوں گے۔
اس کے علاوہ شاہین آفریدی، حسن علی، محمد عامر، نسیم شاہ، زمان خان، عباس آفریدی، وسیم جونیئر، عثمان خان اور محمد علی بھی ٹیم کا حصہ ہوں گے۔
