قومی کرکٹ ٹیم کے سابق کپتان شاہد آفریدی کا کہنا ہے کہ وہ اس عمر میں بھی چھکے مارنے کیلئے حاضر ہیں۔
امریکا کے شہر ہیوسٹن میں ایک پریس کانفرنس کے دوران انہوں نے کہا کہ امریکا میں ایشین کمیونٹی بہت زیادہ ہے جہاں پر کمیونٹی ہوگی وہاں پر کرکٹ خود بخود آجائے گی۔
شاہد آفریدی نے کہا کہ ہماری نمبر ون باولنگ ہے۔ زبردست سٹرینتھ ہے لیکن مجھے یہ سمجھ نہیں آتی کہ ہم ڈیڈ پچز کیوں بناتے ہیں
انہوں نے کہا کہ میں سمجھتا ہوں محمد عامر کے آنے سے شاہین شاہ آفریدی کو بہت سپورٹ مل جائے گی کیونکہ عامر تجربہ کار ہے اور ہر قسم کی صورتحال میں عامر کو بال کرنا آتا ہے۔
انہوں نے کہا کہ شاہین یہ سمجھتا ہے کہ ہر قسم کی پچ پر آؤٹ کرنا ہے جو کہ ممکن نہیں ہوتا، عامر کے ساتھ کام کر کے بہت کچھ سیکھ لے گا۔
پاکستان کرکٹ ٹیم کے سابق کھلاڑی شاہد آفریدی نے یہ بھی کہا کہ آفریدیوں کو سمجھانا بہت مشکل کام ہے وہ شاہین کو اس لیے نہیں سمجھا پاتے کہ وہ بھی آفریدی ہے
