
ترکیہ کے شہر استنبول میں فلسطین میں امن (پیس ان پیلسٹائن) کے عنوان سے ایک سمٹ کا انعقاد کیا گیا جس میں دنیا بھر کی خواتینِ اول نے شرکت کی، اور غزہ جنگ بندی کا مطالبہ کیا۔
غیر ملکی میڈیا رپورٹس کے مطابق ترکیہ کی خاتون اوّل ایمن اردوان کی دعوت پر استنبول میں منعقدہ ’فلسطین میں امن‘ سمٹ میں دنیا بھر کی خواتینِ اول شریک ہوئیں۔
قطر، پاکستان، اسکاٹ لینڈ، لیبیا، آذربائیجان، برازیل اور وینزویلا کی خواتینِ اول نے سربراہی اجلاس میں غزہ میں جنگ بندی کا مشترکہ مطالبہ کیا۔
Turkish First Lady Emine Erdogan speaks at international meeting "United for Peace In Palestine" in Istanbul:
– Mass murders going on in Palestine, Gaza
– We will continue to mobilise all our resources until ceasefire is established pic.twitter.com/AsHarCNrck— TRT World (@trtworld) November 15, 2023
پاکستانی خاتونِ ا ول بیگم سعدیہ رحمت اللہ نے کہا کہ آزاد فلسطینی ریاست کا قیام ہی مسئلے کا واحد حل ہے، عالمی برادری کو اسرائیلی جارحیت کے فوری خاتمے اور غزہ کا محاصرہ ختم کرانے کے لیے اپنا کردار ادا کرنے کی ضرورت ہے۔
فرسٹ اسکاٹش منسٹر کی اہلیہ بولیں کہ فوری کارروائی اور غزہ میں جنگ بندی کی ضرورت ہے، وینزویلا کی خاتونِ اول نے کہا کہ دنیا غزہ کی پٹی میں نسل کشی کا مشاہدہ کر رہی ہے۔