دنیا کے لیئے مشہور وائلڈ لائف اینکر وفلم میکر ایڈم برٹن کے حوالے سے شرمناک انکشافات سامنے آئے ہیں جس میں کتوں سے جنسی تعلق کے دوران اذیت دینا تھی۔ آسٹریلیا کی ایک عدالت میں مگرمچھوں کے برطانوی ماہر نے جانوروں سے سیکس کرنے سمیت 60 الزامات میں اعتراف جرم کیا ہے۔
عدالت میں بتایا گیا کہ ایڈم برٹن نے درجنوں کتوں سے تشدد کرتے ہوئے ویڈیوز بھی بنائیں۔ ان کتوں میں سے اکثریت اس تشدد کے نتیجے میں ہلاک ہو گئے۔
اس کے بعد ایڈم برٹن یہ ویڈیوز آن لائن نشر کر دیا کرتے تھے جہاں سے وہ بچوں سے بدسلوکی کا مواد بھی حاصل کیا کرتے۔ استغاثہ نے عدالت کو بتایا کہ ایڈم برٹن سنہ 2014 سے جانوروں میں اذیت پسندانہ جنسی دلچسپی رکھتے تھے اور اپنے پالتو جانوروں کے ساتھ ساتھ انھوں نے کتوں کے مالکان کو بھی چالاکی سے اپنے پالتو جانور ان کے حوالے کرنے پر قائل کیا۔ عدالت میں بتایا گیا کہ ایڈم برٹن ایک آن لائن پلیٹ فارم کے ذریعے لوگوں کو تلاش کرتے جو سفری یا کام کی وجوہات کی بنا پر اپنے پالتو جانور کسی کے حوالے کرنے کے خواہشمند ہوتے اور پھر ان سے تعلق قائم کرنے کے بعد ان کے جانور لے لیتے۔
جب یہ افراد اپنے پرانے پالتو جانور کے بارے میں ایڈم سے رابطہ کرتے تو ان کو پرانی تصاویر بھیج دی جاتیں اور ’جھوٹی کہانیاں‘ سنائی جاتیں۔ حقیقت میں ایڈم برٹن ان جانوروں کو جنسی اذیت کا نشانہ بناتے جس کے لیے انھوں نے ریکارڈنگ آلات سے بھرپور ایک کنٹینر رکھا ہوا تھا۔ عدالت کو بتایا گیا کہ ایڈم نے اس کنٹینر کو ’ٹارچر روم‘ کا نام دیا ہوا تھا جہاں سے ریکارڈ ہونے والی جرائم کی ویڈیوز وہ فرضی ناموں سے آن لائن شائع کر دیا کرتے۔ ایک ایسی ہی ویڈیو پولیس تک پہنچائی گئی جس نے اپریل 2022 میں ان کو گرفتار کر لیا۔ عدالت میں بتایا گیا کہ ایڈم نے گرفتاری سے قبل 18 ماہ میں 42 کتوں کو جنسی اذیت کا نشانہ بنایا جن میں سے 39 ہلاک ہو گئے۔
