تازہ ترینخبریںسیاسیات

’چند ماہ میں بجلی کی قیمت 85 روپے فی یونٹ تک بڑھے گی‘

پاکستان تحریک انصاف (پی ٹی آئی) کے رہنما عمر ایوب کا کہنا ہے کہ چند مہینوں میں بجلی کی قیمت تقریباً 85 روپے فی یونٹ تک بڑھے گی۔

سابق وزیر توانائی عمر ایوب کا کہنا ہے کہ بجلی کی بڑھتی قیمتوں کی ذمہ دار ن لیگ اور پی ڈی ایم ہیں، ن لیگ نے پاکستان کو مہنگی درآمدی توانائی پر منحصر کیا۔

انہوں نے کہا کہ پیدا ہونے والی 70 فیصد بجلی کا انحصار درآمدی ایندھن پر ہے، روپے کی قدر میں کمی ایندھن کی قیمتوں میں ایڈجسٹمنٹ کو بڑھا رہی ہے۔

عمر ایوب نے کہا کہ ٹیک اینڈ پے کنٹریکٹس کی وجہ سے ادئیگی اس سال دو ہزار بلین روپے کو چھو چکی ہے۔

انہوں نے کہا کہ پی ٹی آئی کی حکومت کے دوران بجلی کی قیمت 16 روپے فی یونٹ تھی 15 ماہ میں 325 فیصد اضافے سے اب تقریباً 68 روپے کا یونٹ ہے۔

سابق وزیر نے کہا کہ پی ڈی ایم حکومت بجلی کی قیمتوں میں مسلسل اضافہ کرکے عوام پر بوجھ ڈال رہی تھی، اب ن لیگی رہنما قیمتوں میں اضافے سے خود کو الگ کرنے کی کوشش کررہے ہیں۔

انہوں نے کہا کہ عوام یاد رکھے ن لیگ، پی ڈی ایم حکومت نے مہنگائی، بجلی کے انتہائی بلند بلوں کو جنم دیا ہے۔

جواب دیں

Back to top button