لاہور کی انسداد دہشت گردی عدالت نے جناح ہاؤس حملہ کیس میں پاکستان تحریک انصاف کے چیئرمین عمران خان کو گرفتار کرنے کی اجازت دے دی۔
ڈپٹی انسپکٹر جنرل (ڈی آئی جی) پولیس انویسٹی گیشن کی جانب سے عدالت میں درخواست دائر کی گئی تھی۔
درخواست میں تفتیش کیلئے چیئرمین پی ٹی آئی کی گرفتاری کی اجازت مانگی گئی تھی۔درخواست پر سماعت کے بعد انسداد دہشت گردی عدالت نے عمران خان کو گرفتار کرنے کی اجازت دے دی۔
خیال رہے کہ سابق وزیراعظم عمران خان توشہ خانہ کیس میں سنائی جانے والی 3 سال قید کی سزا اٹک جیل میں کاٹ رہے ہیں۔
یاد رہے کہ حال ہی میں چیف جسٹس کی زیر سربراہی بنچ کے ریمارکس میں کہا گیا ہے کہ اگر کل اسلام آباد ہائی کورٹ کوئی فیصلہ نہیں دیتی تو سپریم کورٹ فیصلہ دے گی۔
