وزیراعظم شہباز شریف کی زیر صدارت موجودہ اتحادی حکومت کا مشترکہ مفادات کونسل کا پہلا اجلاس ہوا جس میں نئی ڈیجیٹل مردم شماری پر غور کیا گیا۔
اجلاس میں سندھ کے وزیر اعلیٰ مراد علی شاہ، خیبرپختونخوا اور پنجاب کے نگران وزرائے اعلیٰ، وفاقی وزیر احسن اقبال، وزیر ریلوے خواجہ سعد رفیق، وفاقی وزیر نوید قمر ، متعلقہ وزارتوں کے وفاقی سیکرٹریز شریک ہوئے، تاہم وزیر اعلیٰ بلوچستان کی پرواز تاخیر کا شکار ہو گئی اور وہ اجلاس میں نہیں پہنچ سکے۔
وزارت منصوبہ بندی کی جانب سے مشترکہ مفادات کونسل میں نئی ڈیجیٹل مردم شماری پر بریفنگ دی گئی اور ڈیجیٹل مردم شماری و خانہ شماری کے نتائج پیش کئے گئے، شرکا کے درمیان نئی مردم شماری کا اتفاق رائے سے منظوری کا معاملہ طے پایا۔
وزیر اعلیٰ سندھ نے مردم شماری کی منظوری دے دی اور ایم کیو ایم نے مردم شماری کا اختیار وزیر اعظم کو دیا، وزیر اعلیٰ بلوچستان کے اجلاس میں پہنچنے کے بعد حتمی منظوری دی گئی۔
