سوشل میڈیا پر میمز کی رونق بننے والا بھارتی یوٹیوبر ٹریفک حادثے میں جاں بحق

بھارت کے نوجوان معروف سوشل میڈیا اسٹار اور کامیڈین دیو راج پٹیل ٹریفک حادثے میں ہلاک ہو گئے۔

بھارتی میڈیا کے مطابق دیو راج پٹیل ریاست چھتیس گڑھ کے علاقے رائے پور میں ایک ٹریفک حادثے میں ہلاک ہوئے۔

مقامی پولیس کے مطابق دیو راج پٹیل اپنے دوست کے ساتھ بائیک پر سفر کر رہے تھے کہ پیچھے سے آنے والے تیز رفتار ٹرک نے انہیں ٹکر ماری، حادثے میں دیو راج پٹیل موقع پر ہی جان سے ہاتھ دھو بیٹھے جبکہ ان کے دوست کو شدید نوعیت کی چوٹیں آئیں۔

دیوراج پٹیل سوشل میڈیا پر میمز کی زینت بنتے آ رہے تھے ، ان کی ایک میم "دل سے برا لگتا ہے بھائی ” سوشل میڈیا پر وائرل ہوئی تھی جس کی بعد انہوں نے اپنے یوٹیوب کے سفر کا آغاز کیا تھا ۔

ان کی موت پر پاکستانی سوشل میڈیا صارفین اور میمرز کمیونٹی غمزدہ ہیں اور ان کے لیے پاکستانی سوشل میڈیا صارفین کی جانب سے نیک خواہشات کا اظہار کیا جا رہا ہے ۔