راجن پور میں انڈس ہائی وے پر شاہ والی کے مقام پر گہری دھند کے باعث 2 بسیں آپس میں ٹکرا گئیں۔
ریسکیو حکام کے مطابق حادثے کے نیچے میں 8 افراد موقع پر جاں بحق ہو گئے جبکہ 20 افراد زخمی ہوئے ہیں۔زخمیوں کو بس کی باڈی کاٹ کر نکالا گیا اور شاہ والی اور تحصیل روجھان کے ہسپتال منتقل کیا گیا۔
حادثے میں متاثر بسوں میں سے ایک بس پشاور سے کراچی جا رہی تھی جبکہ دوسری بس کوئٹہ سے راجن پور آ رہی تھی۔
ریسکیو ذرائع نے بتایا ہے کہ حادثہ دھند کی وجہ سے پیش آیا ہے، زخمیوں میں خواتین اور بچے بھی شامل ہیں۔
