عوامی مسلم لیگ کے سربراہ شیخ رشید نے کہا ہے کہ آئی ایم ایف کا بیل آوٹ پیکج جلد نہ ملا تو ملک کے دیوالیہ ہونے کا خطرہ ہے۔
پاکستان کی موجودہ معاشی صورتحال پر تبصرہ کرتے ہوئے شیخ رشید نے اپنے ٹوئٹ میں لکھا ہے کہ ہم تاریخ کی بد ترین معاشی اور سیاسی بحران سے گزر رہے ہیں، زر مبادلہ کے ذخائر خطر ناک حد تک کم ہوگئے ہیں، غریب وینٹی لیٹڑ پر ہے، نہ چولہا جل رہا ہے، نہ بجلی کا بل، نہ بچوں کی فیس۔
سیاسی انتشار،خلفشار اور عدم استحکام پاکستان کو تباہی کی طرف لے جا رہا ہے۔مداخلت نرم ہو،گرم ہو یا سخت،سب کو مل کر ملک بچانا ہے۔ایک ایک دن قیمتی ہے۔سب لوگوں کو مل کر بیٹھنا ہے ورنہ لوگ فیصلے خود اپنے ہاتھوں میں لے لیں گے۔مہنگائی کی شرح38فیصد بڑھ گئی ہے اور غریب آٹا بھی نہیں لے سکتا
— Sheikh Rashid Ahmed (@ShkhRasheed) July 30, 2022
شیخ رشید نے ٹوئٹ میں لکھا ہے کہ سیاسی انتشار، خلفشار اور عدم استحکام پاکستان کو تباہی کی طرف لے جا رہا ہے، مداخلت نرم ہو یا سخت سب کو مل کر ملک کو بچانا ہے۔
انہوں نے مزید کہا کہ ایک ایک دن قیمتی ہے سب کو مل کر ملک بچانا ہے، ورنہ لوگ اپنے فیصلے خود اپنے ہاتھوں میں لے لیں گے۔
