امریکا کے صدر جو بائیڈن اسرائیل اور فلسطین کا دورہ مکمل کر کے سعودی عرب پہنچ گئے۔
دورہ سعودی عرب میں صدر بائیڈن توانائی، انسانی حقوق اور سلامتی امور سے متعلق دو طرفہ تعاون پر بات چیت کریں گے
President Biden gives fist bump to Crown Prince Mohammed bin Salman upon arriving for their meeting in Jeddah, Saudi Arabia pic.twitter.com/ZrwklWILFs
— JM Rieger (@RiegerReport) July 15, 2022
وائٹ ہاؤس سے جاری کردہ بیان میں بتایا گیا ہے کہ جو بائیڈن سعودی عرب کے شاہ سلمان بن عبدالعزیز سے جدہ کے شاہی محل میں ملاقات کریں گے۔
بعد ازاں امریکی صدر اور ان کی ٹیم ولی عہد محمد بن سلمان اور سعودی کابینہ کے اراکین سے بھی ملاقات کرے گی۔
ہفتے کو جدہ میں عرب رہنماؤں کا ایک بڑا اجلاس ہو گا جس میں جو بائیڈن تیل پیدا کرنے والی خلیجی ریاستوں کے سربراہان سے توانائی کے امور پر گفتگو کریں گے۔
قبل ازیں سعودی عرب نے اسرائیل کی تمام ایئرلائنز کے لیے اپنی فضائی حدود حدود کھول دی تھیں۔
صدر بائیڈن پہلے امریکی صدر ہیں جنہوں نے اسرائیل سے براہ راست جدہ کا سفر کیا ہے ۔
