بھارتی وزیر اعظم نریندر مودی کی والدہ ہیرا بین مودی نے زندگی کی 99 بہاریں دیکھ لیں۔
بھارتی میڈیا رپورٹس کے مطابق نریندر مودی کی والدہ آج اپنی سالگرہ منا رہی ہیں، اس موقع پر مودی نے اپنی ماں ہیرا بین مودی سے گجرات میں گاندھی نگر میں ان کی رہائش گاہ پر ملاقات کی۔
18جون 1923 کو پیدا ہونے والی ہیرا بین مودی آج اپنی زندگی کے 100ویں سال میں داخل ہوگئی ہیں۔
مودی نے اپنی ماں کے لیے ایک جذباتی بلاگ لکھا جس کا لنک اُنہوں نے اپنے ٹوئٹر اکاؤنٹ پر شیئر کیا۔
اُنہوں نے اپنے ٹوئٹ میں لکھا کہ ’ماں، محض ایک لفظ نہیں ہے بلکہ یہ بہت سے جذبات کو اپنی لپیٹ میں لے لیتا ہے۔
بھارتی وزیراعظم نے لکھا کہ ’آج، 18 جون وہ دن ہے جب میری والدہ اپنے 100ویں سال میں داخل ہو رہی ہیں‘۔
مودی نے مزید لکھا کہ ’اس خاص دن پر، میں نے خوشی اور تشکر کا اظہار کرتے ہوئے اپنےخیالات لکھے ہیں‘۔
Maa…this isn’t a mere word but it captures a range of emotions. Today, 18th June is the day my Mother Heeraba enters her 100th year. On this special day, I have penned a few thoughts expressing joy and gratitude. https://t.co/KnhBmUp2se
— Narendra Modi (@narendramodi) June 18, 2022
