وزیر اعظم شہباز شریف نے کہا ہے کہ ایرانی صدر ابراہیم رائیسی سے تعمیری اور نتیجہ خیز ملاقات ہوئی۔
وزیر اعظم شہباز شریف نے ٹوئٹ میں کہا کہ ایرانی صدر ابراہیم رائیسی سے تعمیری اور نتیجہ خیز ملاقات ہوئی، ملاقات میں دو طرفہ تعلقات کی مضبوطی کیلئے اجتماعی کوششوں کو دگنا کرنے میں اتفاق ہوا ہے۔
وزیراعظم نے کہا کہ مستقبل میں تعاون کے روڈ میپ کیلئے تجارت، سرمایہ کاری، آئی ٹی، زراعت، بجلی کے شعبوں کو ترجیح دی، دوطرفہ تعلقات کی مضبوطی کیلئے اجتماعی کوششوں کو دگنا کرنے پر اتفاق کیا۔
وزیراعظم شہباز شریف نے کہا کہ اس مقصد کیلئے ایف ٹی اے پرکام کی رفتار کو تیز کرنے کو ترجیح دی جائے گی، کل بلوچستان کے لوگوں کے لیے یادگار دن تھا، مندپشین منڈی اور پولان گبد ٹرانسمیشن لائن کا مشترکہ افتتاح ترقی کے نئے مواقع کھولے گا۔
انہوں نے ٹوئٹ میں لکھا کہ سرحدی منڈیوں کی بے پناہ صلاحیت موجود ہے جسے وقت کیساتھ کھولنےکا ارادہ رکھتے ہیں، مندپشین بازار دیگر 6 سرحدی مقامات میں سے ایک ہے۔
I had a very constructive, and fruitful meeting with H.E. Dr. Ebrahaim Raisi, President of Iran. We agreed to double down on our collective efforts to fully unpack the potential of our bilateral ties. We have prioritized the areas of trade, investment, information technology,…
— Shehbaz Sharif (@CMShehbaz) May 19, 2023
