پاکستانی معیشت کے لیے اچھی خبر ہے کہ چین سے 30 کروڑ ڈالر موصول ہوگئے۔
ذرائع وزارت خزانہ کے مطابق چین سے پاکستان کو 30 کروڑ ڈالر موصول ہوگئے جس کے بعد زرمبادلہ کے ذخائر میں اضافہ ہوا ہے۔
ذرائع کا کہنا ہے کہ رقم چین کےآئی سی بی سی بینک سےکمرشل قرض کے طور پر ملی ہے۔ مجموعی طور پر چین کے بینک نے ابتک 1ارب 30 کروڑ ڈالر قرض فراہم کیا ہے۔
اس سے پہلے پاکستان کو 2 قسطوں میں1 ارب ڈالر موصول ہو چکے ہیں۔
قبل ازیں متحدہ عرب امارات نے بھی پاکستان کو ایک ارب ڈالر دینے کیلئے آئی ایم ایف کو یقین دہانی کرادی۔
وزیر خزانہ اسحاق ڈار نے سماجی رابطے کی ویب سائٹ ٹوئٹر پر اپنے بیان میں کہا کہ متحدہ عرب امارات نے بھی پاکستان کو ایک ارب ڈالر دینے کیلئے آئی ایم ایف کو یقین دہانی کرادی، اسٹیٹ بینک یو اے ای سے مزکورہ رقم لینے کیلئے دستاویزات مکمل کرنے میں مصروف ہے۔
گزشتہ روز ڈپٹی ایم ڈی آئی ایم ایف کےساتھ ورچوئل میٹنگ میں بتایا تھا کہ پاکستان کےساتھ اسٹاف لیول معاہدہ جلد ہوجائے گا، اسحاق ڈار نے کہا کہ معیشت کی بہتری کےلیے اصلاحات پرعمل پیراہیں۔
گزشتہ ہفتے سعودی عرب نے آئی ایم ایف کو یقین دہانی کرائی تھی کہ وہ پاکستان کو دو ارب ڈالر کی رقم فراہم کرے گا۔
