ایڈیشنل سیشن جج زیبا چوہدری کیخلاف بیان پر اسلام آباد ہائی کورٹ کا لارجر بینچ عمران خان کیخلاف توہین عدالت کیس کی سماعت آج کرے گا۔
تفصیلات کے مطابق ایڈیشنل سیشن جج زیبا چوہدری کے خلاف بیان پر چیئرمین پی ٹی آئی عمران خان کیخلاف توہین عدالت کیس کی سماعت آج ہوگی۔
عدالت نے عمران خان کے خلاف توہین عدالت کیس کی کاز لسٹ بھی جاری کر دی ہے۔
اسلام آباد ہائی کورٹ کا لارجر بینچ جسٹس محسن اختر کیانی کی سربراہی میں آج دوپہر عمران خان کیخلاف توہین عدالت کیس کی سماعت کرے گا۔
جسٹس میاں گل حسن اورنگزیب اور جسٹس بابر ستار بنچ میں شامل ہیں۔
یاد رہےگزشتہ روز عمران خان کیخلاف توہین عدالت کی کارروائی کا فیصلہ ہائیکورٹ کے تمام ججز کی مشاورت سے ہوا تھا۔
جس کے بعد اسلام آباد ہائی کورٹ نے توہین عدالت کیس کی سماعت کے لیے لارجر بینچ تشکیل دیا تھا۔
صدر سپریم کورٹ بار احسن بھون کی جانب سے بیان میں کہا گیا کہ سپریم کورٹ بارعدلیہ کی تضحیک کی اجازت کسی کو نہیں دے گی، ہائیکورٹ کی جانب سےتوہین عدالت کیس پرلارجربینچ کی حمایت کرتےہیں۔
احسن بھون کا کہنا تھا کہ ایک شخص نے جس طرح خاتون جج کوللکاراوہ پوری عدلیہ کی تضحیک ہے ، سپریم کورٹ بار اور تمام وکلابرادری عدلیہ کےوقارپرآنچ نہیں آنے دے گی ، عدالتی نظام کو کمزور کرنے کی سازش پر کارروائی عمل میں لائی جائے۔
