Welcome to JEHANPAKISTAN   Click to listen highlighted text! Welcome to JEHANPAKISTAN
تازہ ترینخبریںپاکستان سے

پرویز الہٰی نے سپریم کورٹ میں رانا ثنا اللہ کیخلاف توہین عدالت کی درخواست دائر کردی

پاکستان تحریک انصاف نے پنجاب میں وزیراعلیٰ کے انتخاب کے دوران دھاندلی کے سرکاری اعلان پر پی ٹی آئی نے سپریم کورٹ سے رجوع کرلیا۔

پنجاب میں وزیراعلیٰ پنجاب کے الیکشن کو شفاف بنانے کیلئے پی ٹی آئی نے سپریم کورٹ سے رجوع کرلیا ہے، پی ٹی آئی نے پنجاب میں دھاندلی کے سرکاری اعلان پر سپریم کورٹ میں توہین عدالت کی درخواست دائر کی ہے۔

درخواست میں پی ٹی آئی نے موقف اختیار کیا ہے کہ یکم جولائی کے فیصلے میں سپریم کورٹ فل بینچ نے شفاف الیکشن کا حکم جاری کیا، لیکن وزرا عدالتی احکامات کی تعمیل میں رکاوٹ پیدا کررہے ہیں، مشکوک عبوری وزیراعلیٰ بھی دھاندلی کے لئے بیٹھا ہے۔

پی ٹی آئی نے درخواست میں سپریم کورٹ سے یکم جولائی کے فیصلے پر مکمل عملدرآمد، دھاندلی روکنے اور اس کے سدباب کا حکم جاری کرنے کی استدعا کی ہے۔

تحریک انصاف نے حکومتی وزرا کے خلاف سپریم کورٹ سے توہین عدالت کی درخواست کل سماعت کیلئے مقرر کرنے کی درخواست کی ہے۔

خیال رہے کہ گزشتہ روز پریس کانفرنس کرتے ہوئے وفاقی وزیر داخلہ رانا ثنا اللہ کا کہنا تھا کہ 22 جولائی کو چوہدری پرویز الٰہی کو آسانی سے وزیر اعلیٰ پنجاب نہیں بننے دیں گے، اگر لیڈرشپ کی طرف سے منظوری مل جائے تو تحریک انصاف کے 5 سے 7 ارکان اِدھر اُدھر ہوجانا کوئی بڑی بات نہیں بلکہ ہوسکتا ہے اس سے زیادہ لوگ ادھر ادھر ہونے کا بھی ارادہ رکھتے ہوں۔

 

جواب دیں

آپ کا ای میل ایڈریس شائع نہیں کیا جائے گا۔

Back to top button
Click to listen highlighted text!