تازہ ترینجرم کہانیخبریں

ناراض بیوی کا ہولناک قدم، لوگوں‌ کے دل دہل گئے

بھارت میں شوہر کی دوسری شادی سے ناراض بیوی نے گھر پر قیامت ڈھا دی، خود سمیت سب کو جلا کر راکھ کر دیا۔

تفصیلات کے مطابق بھارتی ریاست بہار کے ضلع دربھنگہ میں بیرول تھانہ علاقے میں ہفتے کو ایک دل دہلا دینے والا واقعہ سامنے آیا، ناراض بیوی نے پٹرول چھڑک کر پورے گھر کو آگ لگا دی، جس میں خاندان کے 4 افراد جل کر ہلاک ہوگئے۔

صبح پانچ بجے رونما ہونے والے آتش زدگی کے اس واقعے میں پہلی بیوی اور ساس موقع پر ہی زندہ جل گئیں، جب کہ شوہر اور دوسری بیوی جھلسنے سے شدید زخمی ہو گئے، تاہم اسپتال میں دوران علاج دونوں جاں بر نہ ہو سکے۔

واقعے میں جاں بحق ہونے والوں میں 65 سالہ رفیدہ خاتون، 35 سالہ بی بی پروین، 40 سالہ شوہر خورشید عالم اور خورشید کی 32 سالہ دوسری بیوی روشنی شامل ہیں، رپورٹس کے مطابق خورشید اور ان کی پہلی بیوی پروین کے درمیان دوسری شادی کے بعد سے اکثر جھگڑا ہوا کرتا تھا اور اسی کے باعث یہ واقعہ پیش آیا۔

رشتہ داروں کا کہنا ہے کہ شیخ پورہ محلہ کے رہائشی خورشید عالم کی شادی تقریباً 15 سال قبل بی بی پروین سے ہوئی تھی، تاہم اولاد نہ ہونے کی وجہ سے خورشید نے 2 سال قبل پڑوس کے گاؤں کی روشنی خاتون سے دوسری شادی کی تھی، جس پر پہلی بیوی بی بی پروین نے شوہر کو خبردار کیا تھا کہ نتیجہ برا ہوگا۔

مرنے سے قبل خورشید نے پولیس کو بیان دیتے ہوئے کہا کہ کسی نے میری بیوی کو میرے اور میری دوسری شادی کے خلاف بھڑکایا تھا۔

جواب دیں

آپ کا ای میل ایڈریس شائع نہیں کیا جائے گا۔

Back to top button