Welcome to JEHANPAKISTAN   Click to listen highlighted text! Welcome to JEHANPAKISTAN
تازہ ترینخبریںفن اور فنکار

سبیکا امام کو قتل کرنے اور تیزاب پھیکنے کی دھمکیاں

ماڈل و اداکارہ سبیکا امام نے خود کو ’قتل و تیزاب حملوں‘ کی دھمکیاں دینے والے صارفین کے اسکرین شاٹ شیئر کرتے ہوئے وفاقی تحقیقاتی ادارے (ایف آئی اے) اور دیگر اداروں کو دھمکیاں دینے والے افراد کے خلاف سخت کارروائی کا مطالبہ کردیا۔

برطانوی نژاد پاکستانی اداکارہ نے انسٹاگرام پر خود کو ملنے والی دھمکیوں کے اسکرین شاٹ شیئر کرتے ہوئے ایف آئی اے کے سائبر کرائم سمیت پاکستان میں موجود برطانوی ہائی کمیشن اور دیگر اداروں کو بھی مینشن کیا۔

اداکارہ نے ایف آئی اے اور برطانوی اداروں سے دھمکیاں دینے والے افراد کے خلاف سخت کارروائی کا مطالبہ کیا۔

سبیکا امام نے سوشل میڈیا پوسٹ پرخود کو دھمکی دینے والی خاتون کے اسکرین شاٹ شیئر کیے، جن میں خاتون کی جانب سے اداکارہ کے خلاف نامناسب زبان استعمال کی گئی۔

اداکارہ کی جانب سے شیئر کیے گئے اسکرین شاٹ میں خاتون نے سبیکا امام کو ’پورن اسٹار‘ قرار دیتے ہوئے انہیں قتل کرنے کی دھمکی دی۔

خاتون نے سبیکا امام کو دھمکی دی کہ قندیل بلوچ کی طرح ان کا بھی پاکستانی سماج سے خاتمہ لازمی ہے۔

ساتھ ہی اداکارہ کو دھمکی دینے والی خاتون نے الزام عائد کیا کہ سبیکا امام اداکار دانش تیمور کے ساتھ ہوٹل کے کمرے میں ایک ساتھ رہی تھیں۔

خاتون نے نہ صرف سبیکا امام بلکہ ان کی والدہ کے لیے بھی نامناسب زبان استعمال کی اور انہیں ’قتل و تیزاب‘ حملے کی دھمکی دی۔

اداکارہ نے دھمکی دینے والی خاتون کی جانب سے اپنی پوسٹ پر دی جانے والی دھمکی کا اسکرین شاٹ بھی شیئر کیا، جس میں خاتون کا نام بھی پڑھا جا سکتا ہے۔

سبیکا امام کی جانب سے دھمکی والی پوسٹ شیئر کیے جانے پر کئی لوگوں نے ان کے ساتھ اظہار یکجہتی کرتے ہوئے کہا اداروں سے دھمکی دینے والے افراد کے خلاف سخت کارروائی کا مطالبہ کیا۔

سبیکا امام نے 2014 کی بولی وڈ کی مقبول فلم ’کوئین‘ سے کنگنا رناوٹ کے ساتھ فلم ڈیبیو کیا تھا۔

جواب دیں

آپ کا ای میل ایڈریس شائع نہیں کیا جائے گا۔

Back to top button
Click to listen highlighted text!