تحریک انصاف کے رہنما علی زیدی نے انتخابی امیدواروں کے چناؤ کیلئے کراچی پارلیمانی بورڈپراعتراض کردیا۔
تفصیلات کے مطابق صدر پی ٹی آئی سندھ علی زیدی انتخابی امیدواروں کے چناو کیلئے پی ٹی آئی کراچی پارلیمانی بورڈ کی تشکیل کے معاملے پر صدر کراچی آفتاب صدیقی کو خط لکھ دیا۔
خط میں علی زیدی نے کہا کراچی صدر کی جانب سے بورڈ کی تشکیل پارٹی آئین کی خلاف ورزی ہے، پارٹی آئین کے مطابق آپ کی جانب سے بورڈ کا نوٹیفکیشن کالعدم ہے۔
خط میں کہا گیا کہ پارٹی چیئرمین یا سیکریٹری جنرل ہی پارلیمانی بورڈ کا نوٹیفکیشن جاری کرسکتے ہیں، کراچی کابینہ کی تشکیل کا طریقہ کار بھی غیر قانونی تھا۔
آپ کی ماتحت کابینہ کے فیصلے اگلے احکامات تک موخر کیے جاتے ہیں، متعدد مرتبہ آپ سے مل کر پارٹی معاملات پر بات کرنے کا کہا، آپ نے وقت دیا نہ صوبائی فورم پر معاملات پر بات کرنا مناسب سمجھا۔
یاد رہے گزشتہ روز آفتاب صدیقی کیجانب سے 6 رکنی پارلیمانی بورڈ کا نوٹیفکیشن جاری کیا گیا تھا ، بلدیاتی انتخابات شکست کےبعدعمران خان نے آفتاب صدیقی کو کراچی کا صدر بنایا تھا۔
