تازہ ترینخبریںپاکستان سے

پنجاب اسمبلی اجلاس کی کارروائی آئین کے خلاف ہے ۔ رانا ثناء اللّٰہ

وفاقی وزیر داخلہ رانا ثناء اللّٰہ نے کہا ہے کہ پنجاب اسمبلی اجلاس کی کارروائی آئین کے خلاف اور غیرقانونی ہے اسے تسلیم نہیں کرتے۔

لاہور میں پنجاب اسمبلی کے باہر میڈیا سے گفتگو کرتے ہوئے رانا ثناء اللّٰہ نے کہا کہ آج کے اجلاس کی کارروائی میں جھوٹ بولا گیا ، سپیکر نے کہا تھا آج اعتماد کا ووٹ نہیں لیا جائے گا۔ رات 12 بجے کے بعد دوسرا ایجنڈا جاری کیا گیا ، سپیکر نے الیکشن کے تقاضے پورے نہیں کیے۔

وفاقی وزیر داخلہ کا کہنا تھا کہ یہ جو بھی نمبر بتائیں گے اسے کوئی تسلیم نہیں کرے گا ، یہ اعتماد کے ووٹ کا جو نمبر شو کریں گے وہ جعلی ہوگا۔

رانا ثناء اللّٰہ نے کہا کہ چودھری پرویز الہٰی نے ناراض ارکان کو حلف دیا کہ وہ اسمبلی نہیں توڑیں گے ، ہم پر ارکان کو خریدنے کا الزام بے ہودہ تھا۔ غیرحاضر ارکان کی ٹریول ہسٹری عدالت میں پیش کریں گے۔

اس موقع پر ن لیگ کے رہنما ملک احمد خان کا کہنا تھا کہ ان لوگوں نے پنجاب اسمبلی رولز کو بلڈوز کیا ہے۔سپیکر نے میرے نکتہ اعتراض کو مسترد کیا، ان کے پاس مطلوبہ تعداد ہوتی تو یہ ایسا نہ کرتے۔ یہ پنجاب اسمبلی کی تاریخ کا بدترین واقعہ ہے۔

وزیراعظم کے معاون خصوصی عطا تارڑ نے کہا کہ پولنگ ایجنٹ مقرر نہ کیا جانا بدنیتی ہے، دھاندلی کرنے کیلئے پولنگ ایجنٹ مقرر نہیں کیے گئے۔ عدالتی کارروائی میں ثابت کریں گے کہ ان کے پاس 186 ارکان نہیں تھے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button