جرمنی میں ایک سابق استاد پر سو سے زائد بچوں اور نوجوانوں کو جنسی زیادتی کا نشانہ بنانے کے الزام میں فرد جرم عائد کردی گئی۔
غیر ملکی خبر ایجنسی کے مطابق جرمنی کے شہر فرینکفرٹ میں ایک شخص پر 23 برسوں (1998 سے 2021) کے دوران ایک سو سے زائد بچوں اور نوجوانوں کو جنسی زیادتی کا نشانہ بنانے کا الزام ہے۔
47 سالہ ملزم سابق استاد رہ چکا ہے اور اسی دوران اس نے یہ گھناؤنا کام کیا۔
جرمنی حکام کو اس کے جرائم کا پتہ اس وقت چلا جب امریکا کی جانب سے اسے انٹر نیٹ پر قابل اعتراض مواد پھیلانے والا قرار دیا گیا۔
امریکی حکام کی اطلاعات ہی کی روشنی میں جرمنی کی پولیس نے ملزم کے گھر پر چھاپہ مارا جہاں سے انہیں مختلف اقسام کا مواد ملا۔
ملزم کے گھر سے ملنے والی یوایس بی ڈیوائسز سے ملزم کے خلاف شواہد ملے تھے۔
ملزم کے خلاف فرد جرم میں 14 سال سے کم عمر بچوں کے ساتھ بدسلوکی کے 64 الزامات اور 14 سے 17 سال کی عمر کے نابالغ افراد کے ساتھ زیادتی کے 35 الزامات شامل ہیں۔