تازہ ترینخبریںدنیا سےپاکستان سے

شی جن پنگ تیسری مدت کیلئے بھی چینی صدر ہوں گے

چین کے صدر شی جن پنگ کمیونسٹ پارٹی کی مرکزی کمیٹی کے مزید 5 سال کے لیے جنرل سیکریٹری منتخب ہو گئے، وہ تیسری مدت کے لیے چین کے صدر کا عہدہ سنبھالیں گے۔

چینی میڈیا کے مطابق چین کے صدر شی جن پنگ تیسری مدت کے لیے قیادت سنبھالنے والے رہنما بن گئے۔ پارٹی ارکان کی بند کمرہ ووٹنگ میں شی جن پنگ کی تقرری ہوئی ہے۔

چینی میڈیا نے بتایا ہے کہ چین کی کمیونسٹ پارٹی کی قیادت میں 25 برس میں پہلی بار کوئی خاتون مکمل رکن نہیں ہوں گی۔

دوسری جانب چین کے صدر شی جن پنگ نے تقرری کے بعد بیجنگ میں صحافیوں سے گفتگو کرتے ہوئے کہا ہے کہ پارٹی اور عوامی امور کی انجام دہی کے لیے تندہی سے کام کریں گے۔

ان کا کہنا ہے کہ چین دنیا کے بغیر ترقی نہیں کر سکتا اور دنیا کو بھی چین کی ضرورت ہے۔ چین نے 40 سال کی کوششوں کے بعد تیز اقتصادی ترقی اور طویل مدتی سماجی استحکام پیدا کیا ہے

وزیرِ اعظم شہباز شریف نے چینی صدر شی جن پنگ کو کمیونسٹ پارٹی آف چائنا کے تیسری مدت کے لیے جنرل سیکریٹری منتخب ہونے پر مبارک باد پیش کی ہے۔

انہوں نے کہا ہے کہ صدر شی جن پنگ کا انتخاب چینی عوام کی خدمت کے لیے ان کی دانش مندانہ ذمے داری کو شاندار خراجِ تحسین ہے۔ یہ انتخاب چینی صدر شی جن پنگ کی مدبرانہ قیادت کا مظہر ہے، یہ انتخاب چین کے عوام کی پرخلوص خدمت کے غیر متزلزل جذبے کا عکاس ہے۔

جواب دیں

آپ کا ای میل ایڈریس شائع نہیں کیا جائے گا۔

Back to top button