ڈائریکٹر سیف سٹی اسلام آباد عبدالقدیر کی پھندا لگی لاش ملی ہے۔
سینئر پولیس افسران اور فرانزک ٹیمیں موقع پر موجود ہیں۔ پولیس واقعے کی تحقیقات کر رہی ہے۔ مرحوم NTC کے ملازم تھے اور ڈیپوٹیشن پر اسلام آباد پولیس میں خدمات سرانجام دے رہے تھے، مزید جو بھی حقائق سامنے آئیں گے وہ شئیر کئے جائیں گے۔ اللہ کریم مرحوم کو غریق رحمت کرے۔ آمین
2/2#ICTP— Islamabad Police (@ICT_Police) September 24, 2022
اسلام آباد پولیس کے مطابق عبدالقدیراسلام آباد پولیس میں گریڈ 19 کے آفیسر تھے، ان کی لاش مارگلہ ٹاؤن میں واقع ان کے گھر سے ملی ہے۔
پولیس کا کہنا ہے کہ ڈائریکٹر سیف سٹی عبدالقدیر کی لاش پوسٹ مارٹم کے لیے بھجوا دی گئی ہے۔
اس حوالے سے آئی جی اسلام آباد نے کہا کہ ڈی آئی جی آپریشنز کیس کی ہر پہلو سے شفاف تحقیقات کریں، سینئر پولیس افسران اور فرانزک ٹیمیں موقع پر موجود ہیں۔
اسلام آباد پولیس کا کہنا ہے کہ عبدالقدیر ڈیپوٹیشن پر اسلام آباد پولیس میں خدمات سرانجام دے رہے تھے۔