پاکستان سپورٹس بورڈ کی جانب سے ارشد ندیم کے لئے 50 لاکھ روپے انعام کا اعلان کیا گیا ہے جبکہ پاک فوج کی جانب سے بھی مبارکباد دی گئی ہے۔
ایتھلیٹ ارشد ندیم کے لئے 50 لاکھ روپے انعام کا اعلان اسپورٹس پالیسی کے تحت کیا گیا۔ڈی جی سپورٹس بورڈ کا کہنا ہے کہ ارشد ندیم کو جنوبی افریقہ میں ٹریننگ دلوانے کا فائدہ ہوا، تمام میڈلز جیتنے والوں کو وزیراعظم ہاؤس لے جایا جائے گا۔
دوسری جانب ڈی جی آئی ایس پی آر نے اپنے بیان میں کہا ہے کہ شاباش ارشد ندیم، آپ نے پاکستان کو قابل فخر بنا دیا۔
واضح رہے کہ کامن ویلتھ گیمز میں پاکستان کے ارشد ندیم نے شاندار کارکردگی کا مظاہرہ کرتے ہوئے جویلین تھرو میں گولڈ میڈل جیت لیا۔
پاکستانی ایتھلیٹ نے اپنی پانچویں باری میں 90.18 میٹر کی ریکارڈ تھرو کی۔
