تازہ ترینخبریںپاکستان سے

رمضان المبارک میں معیاری اور سستی اشیا کی فراہمی یقینی بنانے کا حکم

وزیراعظم شہباز شریف نے رمضان المبارک کے دوران سستے بازاروں میں معیاری اور سستی اشیا کی فراہمی یقینی بنانے کا حکم کرتے ہوئے کہا عوام کو سستی اشیا کی فراہمی میں غفلت برداشت نہیں کروں گا۔

تفصیلات کے مطابق شہباز شریف نے وزیراعظم کا آفس سنبھالتے ہی عوامی ریلیف کے اعلانات پر عملدرآمد کا آغاز کردیا اور گزشتہ روز اسمبلی میں کئے گئے اعلانات پرعملدرآمد کے احکامات دیئے۔

شہباز شریف نے رمضان کے دوران سستے بازاروں میں معیاری اور کم دام پر اشیا کی فراہمی یقینی بنانے کا حکم دیتے ہوئے رمضان بازاروں کی سخت مانیٹرنگ یقینی بنانے کی ہدایت کردی۔

وزیراعظم کا کہنا تھا کہ عوام کو سستی اشیا کی فراہمی میں غفلت برداشت نہیں کروں گا۔

شہباز شریف نے پنشنرز کی پنشن میں اضافے اور کم از اکم اجرت 25 ہزار کرنے کے اعلانات پر بھی فوری عمل کا حکم دیا۔

وزیراعظم شہباز شریف نے وزیراعظم آفس کے افسران اور عملے سے ملاقات کی ، جس میں اظہار خیال کرتے ہوئے کہا کمر کس لیں، عوامی خدمت کیلئے آئے ہیں، ایک لمحہ ضائع نہیں کرنا، ایمانداری،شفافیت، انتھک محنت رہنما اصول ہیں۔

گذشتہ روز نو منتخب وزیراعظم میاں شہبازشریف نے کم سےکم اجرت 25 ہزار اور ایک لاکھ تک تنخواہ والوں کیلئے 10 فیصد اضافہ اور پنشن میں بھی 10فیصد کرنے کا اعلان کیا تھا۔

جواب دیں

آپ کا ای میل ایڈریس شائع نہیں کیا جائے گا۔

Back to top button