پٹرولیم مصنوعات کی سپلائی معطل کردی گئی ، آئل ٹینکرزاونرایسوسی ایشن کا کہنا ہے کہ مطالبات کی منظوری تک احتجاج جاری رہے گا۔
تفصیلات کے مطابق آئل ٹینکرز اونرایسوسی ایشن کی جانب سے پٹرولیم مصنوعات کی سپلائی معطل کردی گئی، آئل ٹینکرزاونر ایسوسی ایشن کا ڈپو میں ٹینکرزکھڑے کرکےاحتجاج جاری ہے۔
آئل ٹینکرز اونر ایسوسی ایشن حکام نے پی ایس او مین ٹرمینل کے باہر نعرے لگائے تاہم پی ایس او مین ٹرمینل کے باہر پولیس کی اضافی نفری تعینات کردی گئی ہے۔
ایسوسی ایشن کا کہن اہے کہ مطالبات کی منظوری تک احتجاج جاری رہےگا، پیٹرول کی قلت کی ذمہ داری انتظامیہ پر عائد ہو گی ، انتظامیہ اور پی ایس او حکام 20 فروری کے معاہدے پرعملدرآمد کریں۔
دوسری جانب پی ایس او کی جانب سے بیان میں کہا گیا ہے جی بی ،اسلام آباد سمیت ملک بھر میں پیٹرولیم مصنوعات کی فراہمی جاری ہے، پی ایس او کے سپلائی آپریشنزمعمول کے مطابق فعال ہیں اور فیول سپلائی کے تمام آرڈرز کی تکمیل کی جارہی ہے۔
