ٹمبر مارکیٹ میں کے الیکٹرک کے عملے پر تشدد کے واقعے بعد ایک بار پھر شہریوں نے ایک بار پھر ان کو مار پیٹ کر بھگا دیا۔
تفصیلات کے مطابق بجلی کے بھاری بھرکم بلوں سے پریشان کراچی کے شہریوں کے صبر کا پیمانہ لبریز ہوگیا آج ایک بار پھر کے الیکٹرک کا عملہ غصے میں بھرے عوام کے ہاتھوں تشدد کا شکار ہوگیا۔
کراچی کے علاقے احسن آباد میں کےالیکٹرک عملے پر شہریوں کے تشدد کا واقعہ پیش آیا ہے، اس حوالے سے ترجمان کےالیکٹرک اویس منشی کا کہنا ہے کہ بجلی کے غیر قانونی کنڈے اتارنے کے دوران عملے پر حملہ کیا گیا، متعلقہ تھانے میں واقعے کی ایف آئی آر درج کرادی گئی ہے۔
یاد رہے کہ گزشتہ روز کراچی کی ٹمبر مارکیٹ میں کے الیکٹرک کا عملہ میٹر اتارنے پہنچا تو تاجروں نے اس پر اپنا سارا غصہ اتار دیا، لوگوں نے عملے کو یرغمنال بنا کر گلے سے پکڑا اور تھپڑوں لاتوں اور گھونسوں کی بارش کرڈالی۔
چیئرمین آل سٹی تاجراتحاد شرجیل گوپلانی نے الزام لگایا کہ کے الیکٹرک کے عملے نے بدمعاشی کی، بعدازاں کےالیکٹرک ترجمان نے ٹمبر مارکیٹ واقعے کی مذمت کرتے ہوئے عملے پر تشدد کرنے والے ٹمبرمارکیٹ عہدیداروں کے خلاف قانونی کارروائی کا اعلان کیا تھا۔
