چیف جسٹس پاکستان عمر عطا بندیال نے سپریم کورٹ ملازمین کا 6 سال سے منجمد اسپیشل جوڈیشل الاؤنس بحال کردیا، الاؤنس 2017 میں منجمد کردیا گیا تھا۔
تفصیلات کے مطابق چیف جسٹس پاکستان عمر عطا بندیال نے سپریم کورٹ ملازمین کا اسپیشل جوڈیشل الاؤنس بحال کردیا ، تمام ملازمین کو 2017 میں ملنے والی ایک بنیادی تنخواہ کے الاؤنس کے طور پر ملے گی۔
نوٹیفکیشن میں کہا گیا ہے کہ سپریم کورٹ کے تمام ملازمین نظر ثانی شدہ اسپیشل جوڈیشل الاؤنس بھی حاصل کرتے رہیں گے ، نظرثانی شدہ اسپیشل جوڈیشل الاؤنس میں ملازمین کو 2022 کی3بنیادی تنخواہوں کے مطابق الاونس ملےگا۔
نوٹیفکیشن کے مطابق الاؤنس کو سپریم کورٹ کےمنظور شدہ بجٹ سے ادا کیا جائے گا، سپریم کورٹ ملازمین کا اسپیشل جوڈیشل الاؤنس 2017 میں منجمد کردیا گیا تھا
