سندھ پولیس کے کاؤنٹر ٹیررازم ڈیپارٹمنٹ کے عملے نے کراچی کے علاقے گلستانِ جوہر سے کالعدم تنظیم کے ایک رکن کو گرفتار کیا ہے۔
ملزم پر کراچی کی طرز پر حیدر آباد میں بھی چائنیز ڈاکٹر کو ٹارگٹ کرنے کی سازش کا الزام ہے۔
سی ٹی ڈی کے ترجمان کی جانب سے جاری کیے گئے بیان کے مطابق سی ٹی ڈی آپریشن 2 کے عملے نے گلستانِ جوہر میں کامران چورنگی کے قریب کارروائی کے دوران کالعدم دہشت گرد تنظیم ایس آر اے کے رکن محمد افضل لونڈ عرف عافی کو گرفتار کیا ہے۔