تحریکِ انصاف کی رہنما ڈاکٹر یاسمین راشد نے وزیرِ داخلہ رانا ثناءاللّٰہ کے پی ٹی آئی کے برے انجام سے متعلق بیان پر ردِ عمل کا اظہار کیا ہے۔
Response to Rana Sana by @Dr_YasminRashid.
No one is scared of the coward member of imported govt. #حقیقی_آزادی_لانگ_مارچpic.twitter.com/pJZLyPeGgl
— PTI (@PTIofficial) October 29, 2022
لانگ مارچ کے دوران میڈیا کی جانب سے رانا ثناء سے متعلق پوچھے گئے ایک سوال کے جواب پر ڈاکٹر یاسمین راشد نے وزیرِ داخلہ کو پیغام دیتے ہوئے کہا ہے کہ رانا ثناء نے پی ٹی آئی کا ’مکو ٹھپنے‘ (برے انجام، قصہ تمام) سے متعلق بیان دیا ہے، اُس کو کہہ دو کہ میں نے گاڑی ٹھیک کروا لی ہے، میں آ رہی ہوں تمہارا مکو ٹھپنے کے لیے۔
واضح رہے کہ گزشتہ روز رانا ثناء کا کہنا تھا کہ عمران خان نے اداروں کے افسران کو ہدف پر لیا ہوا ہے لیکن اب فیصلہ ہوا ہے کہ جھوٹ کو اسی وقت دبانا چاہیے، سچ کو جھوٹ کے مقابلے میں پیچھے نہیں رہنا چاہیے اور سامنے آنا چاہیے، برے کو اس کے گھر تک چھوڑ کر آنا چاہیے۔
انہوں نے کہا کہ اسلام آباد پر چڑھائی کی نیت سے آنے والے جتھے کو ایسے انجام سے دوچار کریں گے آئندہ کوئی ایسا سوچے گا بھی نہیں۔