سابق برطانوی چانسلر رشی سُونک نے وزارتِ عظمیٰ کی دوڑ میں شامل ہونے کا باضابطہ اعلان کر دیا۔
میڈیا سے گفتگو کرتے ہوئے رشی سُونک نے کہا ہے کہ برطانیہ عظیم ملک ہے لیکن اسے گہرے معاشی بحران کا سامنا ہے۔ معیشت کو درست اور پارٹی کو متحد کر کے ملک کے لیے ڈیلیور کرنا چاہتا ہوں۔
میڈیا رپورٹ کے مطابق رشی سُونک کو پہلے ہی 130 ٹوری ارکانِ پارلیمنٹ کی حمایت حاصل ہے، وزارتِ عظمیٰ کی دوڑ میں شامل ہونے کے لیے 100 اراکین کی حمایت لازمی ہے۔
میڈیا رپورٹ میں کہا گیا ہے کہ برطانوی وزیرِ اعظم بننے کے لیے پیر کو دن 2 بجے تک متعلقہ کمیٹی سے رجوع کیا جا سکتا ہے۔ پینی مورڈنٹ پہلے ہی وزارتِ عظمیٰ کی دوڑ میں شامل ہونے کا اعلان کر چکی ہیں۔
بزنس سیکریٹری جیکب ریس موگ کے مطابق بورس جانسن بھی دوبارہ وزیرِ اعظم بننے کے امیدوار ہوں گے۔ اس وقت تک بورس جانسن کو 55 اور پینی مورڈنٹ کو 23 اراکین کی حمایت حاصل ہے۔
