تازہ ترینخبریںدیسی ٹوٹکےٹیکنالوجی

سمارٹ فون جلد چارج کرنے میں مددگار آسان ٹِرکس

 سمارٹ فون کو بار بار چارج کرنا اکثر افراد کو ناگوار محسوس ہوتا ہے۔آپ اگر سمارٹ فون کو زیادہ استعمال کرتے ہیں تو اسے دن میں ایک سے زیادہ بار چارج کرنے کی ضرورت محسوس ہوتی ہوگی۔ویسے تو یو ایس بی سی کیبل سے ڈیوائس پہلے سے زیادہ تیزی سے چارج ہو جاتی ہے مگر پھر بھی اس کے لیے انتظار کرنا مشکل محسوس ہوتا ہے۔

اینڈرائیڈ فون کی ایسی ہی چند ٹِرکس کے بارے میں جاننا آپ کے لیے مددگار ثابت ہوسکتا ہے۔بیٹری پاور میں کمی کی ایک بڑی وجہ نیٹ ورک سگنل ہوتے ہیں، یہ سگنل جتنے کم ہوں گے بیٹری اتنی تیزی سے ختم ہوگی۔

اسی طرح اگر آپ کسی ایسے علاقے میں موجود ہیں جہاں سگنل صحیح نہیں آ رہے تو فون کو چارج کرنے میں بھی زیادہ وقت لگ سکتا ہے۔اس کا ایک فوری حل فون میں ائیر پلین موڈ ان ایبل کرنا ہے جس سے بیٹری کو چارج کرنے کے دورانیے میں 25 فیصد تک کمی آسکتی ہے۔اگر آپ کا فون چارجنگ کے دوران بند ہو تو وہ معمول سے زیادہ تیزرفتاری سے چارج ہوتا ہے، کیونکہ چارجنگ کے دوران اسے کسی رکاوٹ کا سامنا نہیں ہوتا۔

یقیناً زیادہ دیر تک فون بند رکھنے سے ضروری کالز یا میسجز تک رسائی نہیں ہوتی مگر 15 منٹ کے لیے بھی ایسا کرنا فون کو کافی حد تک چارج کردیتا ہے۔

اگر آپ اپنا فون بند نہیں کرنا چاہتے تو بہتر ہے کہ چارجنگ کے دوران اس کا استعمال کم از کم کریں۔

چارجنگ کے دوران فون کو استعمال کرنے سے وہ سست روی سے چارج ہوتا ہے خاص طور پر اگر آپ زیادہ ریسورسز استعمال کرنے والی ایپس استعمال کرتے ہیں۔

اس سے طویل المعیاد بنیادوں پر بیٹری لائف بھی متاثر ہوتی ہے کیونکہ بیٹری کا درجہ حرارت بڑھنے سے فون کو نقصان پہنچتا ہے۔

کمپیوٹر پر یو ایس بی پورٹ کو استعمال کرنے سے فون زیادہ تیز رفتاری سے چارج نہیں ہوتے۔

اس کے مقابلے میں وال ساکٹ سے چارجنگ پر زیادہ پاور ملتی ہے (چارجنگ اسپیڈ کا انحصار ڈیوائس اور چارجر سپورٹ پر ہوتا ہے)۔اگر آپ دن بھر کافی سفر کرتے ہیں تو پاور بینک خرید لینا چاہیے۔ بیشتر پاور بینکس سے وال ساکٹ جتنی ہی پاور ڈیوائس کو ملتی ہے۔اگر آپ فون کو تیزی سے چارج کرنا چاہتے ہیں تو وائرلیس چارجنگ اچھا آپشن نہیں کیونکہ اس کی رفتار وائرڈ چارجر سے کم ہوتی ہے ،  فون کیس کو نکال دینے سے بیٹری کے درجہ حرارت کو چارجنگ کے دوران کم رکھنے میں مدد ملتی ہے۔

ایک سٹینڈرڈ گیج کیبل 0.5 ایمپئیر پاور فراہم کرتی ہے جبکہ بڑی 24 گیج کیبل سے 2 ایمپئیر پاور ملتی ہے۔

عام طور پر سستی چارجنگ کیبلز زیادہ تیزی سے فون چارج نہیں کرتیں جس کی وجہ سے فونز زیادہ دیر میں چارج ہوتے ہیں۔

جواب دیں

آپ کا ای میل ایڈریس شائع نہیں کیا جائے گا۔

Back to top button