دنیا بھر میں مکمل سورج گرہن کا آغاز شمالی میکسیکو سے ہو گیا۔
آج دنیا کے کئی ملکوں میں سورج گرہن کا نظارہ دیکھا جائے گا، جس کا شمالی میکسیکو سے آغاز ہو گیا ہے، میکسیکو کے بعد امریکا اور کینیڈا میں دیکھا جا سکے گا۔
سورج گرہن کے سلسلے میں امریکا کی 15 ریاستوں میں ایمرجنسی نافذ کی گئی ہے، سورج گرہن میکسیکو سے شروع ہو کر ٹیکساس میں داخل ہوگا، اور پھر اوکلاہوما، آرکنساس، مسوری، الینوائے، کینٹکی، انڈیانا، اوہائیو، پنسلوینیا، نیویارک، ورمونٹ، نیو ہیمپشائر اور مین سے ہو کر گزرے گا۔
مکمل سورج گرہن میں، چاند سورج اور زمین کے درمیان سے گزرتا ہے، جس کی وجہ سے ہمارے سیارے کی سطح پر ایک خاص مقام پر سورج چھپ جاتا ہے۔
محکمہ موسمیات کا کہنا ہے کہ سورج گرہن پاکستان میں نہیں دیکھا جا سکے گا، واضح رہے کہ مکمل سورج گرہن اس سے پہلے 4 جنوری 1925 کو دیکھا گیا تھا۔
