پاکستان کی ایک ایسی مقبول سبزی جسے بہت سے لوگ کھانے میں پسند نہیں کرتے، اس کا تعلق لوکی کے خاندان سے ہے اور اسے متعدد صحت کے فوائد کی وجہ سے بڑے پیمانے پر استعمال کیا جاتا ہے۔
تاہم آج ہم آپ کو ٹنڈے کھانے کے کچھ حیرت انگیز فوائد بتائیں گے۔
ٹنڈے غذائیت سے بھرپور:
ٹنڈے میں کیلوریز کم ہوتی ہے اور یہ ضروری غذائی اجزاء جیسے وٹامن سی، وٹامن اے، پوٹاشیم حاصل کرنے کا ایک اچھا ذریعہ ہے، ٹنڈے آپ کی مجموعی صحت اور تندرستی میں حصہ ڈالتے ہیں۔
ہاضمے کی صحت کیلئے:
ٹنڈوں میں زیادہ مقدار میں موجود غذائی ریشہ( فائبر) ہاضمے میں مدد کرتا ہے اور آنتوں کی باقاعدہ حرکت کو فروغ دیتا ہے، اگر آپ اسے اپنی غذا میں شامل کرتے ہیں تو اس سے قبض اور ہاضمے کے دیگر مسائل کو روکنے میں مدد مل سکتی ہے۔
دل کیلئے:
ٹنڈے میں پوٹاشیم کا مواد بلڈ پریشر کی سطح کو منظم کرنے میں مدد کر کے دل کو صحت مند رکھنے میں مدد دیتا ہے۔ پوٹاشیم سے بھرپور غذا دل کی بیماریوں اور فالج کے خطرے کو کم کر سکتی ہے۔
آنکھوں کیلئے:
ٹنڈا، بیٹا کیروٹین کا ایک اچھا ذریعہ ہے، جسے جسم وٹامن اے میں تبدیل کرتا ہے۔ وٹامن اے بینائی کو برقرار رکھنے اور آنکھوں کی صحت کو فروغ دینے کے لیے ضروری ہے۔
جلد کیلئے:
ٹنڈے میں پائے جانے والے وٹامنز اور اینٹی آکسیڈنٹس جلد کو صحت مند بنانے میں اہم کردار ادا کرتے ہیں، وٹامن اے، خاص طور پر جلد کے خلیوں کی نشوونما اور مرمت کرنے کے لیے جانا جاتا ہے۔
ہڈیوں کیلئے:
ٹنڈے میں موجود کیلشیم اور فاسفورس کی موجودگی ہڈیوں کی صحت اور مضبوط ہڈیوں اور دانتوں کو برقرار رکھنے میں معاون ہے۔
مدافعتی نظام کو بہتر بنائے کیلئے:
ٹنڈوں میں کافی مقدار میں موجود وٹامن سی مدافعتی نظام کو بڑھانے میں اہم کردار ادا کرتا ہے، یہ جسم کو انفیکشن اور بیماریوں سے لڑنے میں مدد کرتا ہے۔
