سابق وزیراعظم عمران خان نے تقریباً دو ماہ بعد بغیر کسی سہارے کے چہل قدمی کی۔
حَسْبُنَا اللَّهُ وَنِعْمَ الْوَكِيلُ
الحمدللہ تقریباً دو ماہ کے بعد آج چیئرمین عمران خان نے بغیر سہارے کے ہلکی پھلکی واک شروع کی ہے۔ pic.twitter.com/5axZdYht6g
— PTI (@PTIofficial) December 28, 2022
تحریک انصاف کے آفیشل ٹوئٹر اکاؤنٹ سے پارٹی چیئرمین کی ویڈیو شیئر کی گئی ہے، جس میں انہیں بغیر کسی سہارے کے چلتے ہوئے دیکھا جاسکتا ہے۔
عمران خان کی دائیں ٹانگ پر سفید رنگ کا سخت کور نظر آرہا ہے اور وہ کچھ لنگڑا کر چل رہے ہیں۔چند سیکنڈ کی ویڈیو میں عمران خان نے چلتے ہوئے کسی چیز کا سہارا نہیں لیا۔
یاد رہے کہ 3 نومبر کو پنجاب میں جلسے کے دوران مبینہ فائرنگ سے عمران خان کی ٹانگ میں گولیاں لگی تھیں۔
