ایور کیئر ہسپتال لاہور کے زیر اہتمام پیداٸشی طور پر سماعت اور گویائی سے محروم بچوں کے موضوع پر سیمینار کا انعقاد کیا گیا۔
جس میں عرفان خان سی ای او ایور کئیر ہسپتال ۔ جومانا توانی ڈاٸریکٹر آف پارٹنر شپ اینڈ ایکسٹرنل افٸیرز ۔ ڈاکٹر مقبول احمد کنسلٹنٹ سرجن ای این ٹی ۔ ڈاکٹر عمران سعید اورڈاکٹر علی چودهری بورڈ ممبر ایور کٸیر فاٶنڈیشن نے شرکت کی۔
پسماندہ علاقوں کے جن بچوں کا علاج کیا اور وہ بولنے اور سننے کے قابل ہوٸے وہ بھی سیمینار کا حصہ تھے ۔
اس سیمینار اور میڈیا سے گفتگو میں قوت سماعت و گویاٸی سے محروم بچوں کے مساٸل۔ علاج اور متاثرہ بچوں اور ان کے والدین کو درپیش مشکلات اور ان سے بچاٶ کے اقدامات بارے آگاہ کیا گیا ۔
میڈیا سے بھی درخواست کی گٸی کہ وہ پاکستان کے ان بچوں کو بہترین اور کار آمد پاکستانی بنانے میں ہمارا ساتھ دیں۔
سیمینار کے شرکاء نے اظہار خیال کرتے ہوٸے کہا کہ آج کے دور میں ان مساٸل کے حوالے سے آگاہی فراہم کرنا انتہائی اہم ہے کیونکہ ایسے بچوں کو خود اعتمادی کے فقدان کا سامنا رہتا ہے جو ان کی قدرتی صلاحيتوں کو بھی محدود کر دیتا ہے۔
محترمہ جومانا توانی نے کہا کہ پاکستان میں پیداٸشی طور پر 3 فیصد بچے قوت گویاٸی اور سماعت سے محروم تھے لیکن گزشتہ 3 سال میں یہ شرح حیرت انگریز طور پر بڑھ گٸی ہے۔
ہمیں اس اضافے کو سمجھنا اور اس کو روکنے کا کام ہنگامی بنیادوں پر کرنا ہوگا۔ کنسلٹنٹ ای این ٹی سرجن ڈاکٹر مقبول احمد نے کہا کہ یہ پروجیکٹ افریقہ میں جا رہا تھا عرفان خان اور میں ایور کٸیر سے درخواست کی اور یہ پروجیکٹ پاکستان کے لٸے حاصل کیا۔
ہم ابتدائی طور پر 40 بچوں کا علاج کریں گے ان میں سے پہلے 6 بچے آج میڈیا کے سامنے پیش کیا ہے۔ سی ای او ایور کئیر ہسپتال عرفان خان نے اپنے خطاب میں کہا کہ ایور کئیر ہسپتال اپنے ویژن اور مشن پر پوری طرح عمل پیرا ہے ۔
قوت سماعت سے محروم بچوں کے علاج معالجہ خصوصا پسماندہ اور غیر ترقی یافتہ علاقوں کے بچوں کے علاج کی ہر ممکن کوشش جاری رکھیں گے۔
اس خطرناک مرض کے خلاف جہاد سمجھ کر آگاہی پھیلانے کا فریضہ سر انجام دیتے رہیں گے ہم اس مشن میں ساتھ دینے پر میڈیا کے بھی مشکور رہیں گے۔
