موجودہ حکومت میں بھی اربوں روپے کی گندم درآمدگی کا انکشاف

موجودہ حکومت کے دوسرے ماہ بھی گندم کی درآمد جاری رہنے کا انکشاف ہوا ہے۔

ذرائع نے بتایا کہ عبوری ڈیٹا کے مطابق اپریل 2024 میں 86 ہزار 800 میٹرک ٹن گندم درآمد ہوئی جس کی مالیت 7 ارب روپے سے زائد ہے۔

موجودہ حکومت کے پہلے 2 ماہ میں تقریباً 7 لاکھ 78 ہزار میٹرک ٹن گندم درآمد ہوئی جب کہ موجودہ حکومت کے پہلے ماہ 6 لاکھ 91 ہزار 136 میٹرک ٹن گندم درآمد کی گئی تھی۔

سرکاری ڈیتا کے مطابق مارچ 2024 میں57 ارب 19 کروڑ 20 لاکھ کی گندم درآمدکی گئی۔

نگران دور میں27 لاکھ 58 ہزار 226 میٹرک ٹن گندم درآمدکی گئی تھی۔ رواں مالی سال فروری تک 225 ارب 78 کروڑ 30 لاکھ کی گندم امپورٹ ہوئی۔ رواں سال مارچ تک 34 لاکھ 49 ہزار 436 میٹرک ٹن گندم درآمد کی گئی۔

رواں سال مارچ تک 282 ارب 97کروڑ 50 لاکھ مالیت کی گندم درآمد ہوئی۔