یمن میں حوثی عسکریت پسندوں نے امریکی ڈرون طیارہ مار گرانے کا دعویٰ کیا ہے۔
غیر ملکی میڈیا رپورٹس کے مطابق یمن کے حوثی باغیوں نے ہفتے کے روز امریکی فوج کے ایک اور MQ-9 ریپر ڈرون کو مار گرانے کا دعویٰ کیا ہے۔
حوثی ملیشیا کے میڈیا ونگ کی جاری کردہ ویڈیو میں امریکی ڈرون کو نشانہ بناتے ہوئے دکھایا گیا ہے۔
ترجمان حوثی ملیشیا کے مطابق یمنی فضائی حدود میں محو پرواز امریکی ڈرون ایم کیو نائن کو مار گرایا گیا، فوٹیج میں تباہ شدہ ڈرون کا زمین پر بکھرا ملبہ بھی دکھایا گیا ہے۔
حوثیوں نے کہا ہے کہ انھوں نے ریپر ڈرون کو زمین سے فضا میں مار کرنے والے میزائل سے مار گرایا، امریکی فضائیہ کے ترجمان لیفٹیننٹ کرنل بائرن مکگرے نے ہفتے کے روز ایسوسی ایٹڈ پریس سے گفتگو میں اعتراف کیا کہ امریکی فضائیہ کا MQ-9 ڈرون یمن میں گر کر تباہ ہو گیا ہے۔
