نام نہاد جمہوریت کے دعویدار اور اقلیتوں کے لئے غیر محفوظ بھارت میں ہولی کے جلوس سے قبل متعدد مساجد کو پلاسٹک اور ترپالوں سے ڈھانپ دیا گیا۔
غیر ملکی ذرائع ابلاغ کے مطابق ہولی کے تہوار کے موقع پر نکالے جانے والے جلوس سے قبل بھارتی ریاست اتر پردیش میں مساجد کو پلاسٹک کی چادروں اور ترپالوں سے کور کردیا گیا ہے۔
بھارتی پولیس کا اس حوالے سے کہنا ہے کہ مذہبی کشیدگی کے خدشات کے پیش نظر یہ اقدام کیا گیا۔اتر پردیش کے دو اضلاع علی گڑھ اور سنبھل کی مساجد کو بھی پلاسٹک کی چادروں اور ترپالوں سے ڈھانپا گیا۔
پولیس کا کہنا ہے کہ ہولی کے جلوس کے دوران مساجد پر رنگ پھینکے جانے کا خدشہ تھا۔ اس لئے مساجد کو محفوظ کرکے لئے ڈھانپ دیا گیا ہے۔
واضح رہے کہ بھارت میں ہولی کے تہوار کے موقع پر مسلمانوں پر بھی رنگ پھینکنے کے واقعات رونما ہوتے ہیں جبکہ اکثر اوقات مذہبی کشیدگی کے واقعات بھی بڑھ جاتے ہیں۔
